話說在前....

快回到玩具業了!!
我想有些朋友會有點羨慕可以一整天對著玩具!
而且今次工作中應該還會參與一些熱門ITEM,很多至親好友都認為我很開心,很滿意...

開心才怪!!
還好係,我對於那些玩意沒多大興趣,好多人唔明將興趣變成工作其實一D都唔有趣....

有朋友話我,人地講件玩具好唔好,你就講套模具好唔好,都黐線又掃興.
係呀,我都知,但習慣左有乜辦法??
以前份工,一年開幾十套模,由分件到排模,驗收一腳踼,真係發夢都會做.
係開發角度睇一件玩具同係生產角度睇會唔同,而玩家角度又係完全另一件事.

好似有一日聽到孩記設計師訪問中講到今次TF4的玩具中因為加入了大量軟膠件造形可以更細緻云云...
友人聽到覺得荒謬,不過我解釋係:就美帝安全標準,,好似恐龍派隻SLOG,用軟膠就可以做到背面D角,雖然隻隻角都變晒變,但唔用就只有CUT晒佢唔做.咁就設計角度佢無講錯.

而我無講係,生產見到一堆軟膠件都未必太高興,因為裝配有時都幾煩.
一個幾設計師有做過野但無乜人喜歡既典型例子.

而當你習慣晒乜都係成本,生產流程,QC,安全標準....好唔好玩已經係其次再其次了...或者應該講係,好唔好玩都係賣點,所以都係一種商業決定,市場決定價格,價格影響成本,成本決定究竟比乜你玩.....

當習慣左呢個由成本,設計,生產,安全標準,組成旋渦之中時,有時見到一件產品豪無趣味都會覺得理所當然.呢種應該就係麻木...我都用左好幾年先慢慢由"造"角度變回"玩"角度...現在又回到那些年...

新工作看來仍然係打雜,由設計到生產都要做.自己設計自已生產還可以叫自作孽,但聽到要接手些連出模角都唔識但又學人攪設計的"設計師"作品時...未戰先氣餒...

怪不得有些產品由公佈到出品要 用年做單位啦!